【恩愛夫妻】陳豪陳茵媺再合作感「唔舒服」　Aimee新造型令Moses眼前一亮

陳豪（Moses）、孔德賢、阮嘉敏日前出席保健品牌活動分享健康心得，「愛妻號」陳豪魅力驚人，一出場即吸引大批在場人士蜂擁台前拍照。

他分享健康心得時，透露與太太陳茵媺同樣注重飲食，不過他對健康的注重，竟然是源自張繼聰！

最新影片推介：J Lou專訪

陳豪向張繼聰請教

向來予人健康之感的陳豪，指太太跟他同樣注重健康，他更大讚太太對小朋友的飲食餐單、均衡營養做得非常出色。

問到他何時開始意會到對健康注重？陳豪竟表示自跟張繼聰合作拍攝劇集《誇世代》時：「當時見到張繼聰練到一身肌肉，於是向佢請教，自己開始做gym，但方法及飲食全部都唔正確，經佢介紹後，再次健身，原來想要再大啲嘅肌肉，除咗研究健身方向，要再注重飲食、餐單配合，亦因為咁開始注重營養問題，就係呢一個開始，令自己對健身、對心臟健康、內臟健康嘅注重。」

▲ 陳豪

陳豪夫妻檔「唔舒服」？

陳豪正跟太太陳茵媺（Aimee）合作為新劇《羅密歐與祝英台》開工，相隔多年再跟太太同框演出，陳豪笑言有點「唔舒服」，他謂：「未試過用演戲身份對待大家，就算《天梯》時合作都唔係直接對手，未試過銀幕上呢種嘅角色同面對，呢種相處，我哋都要適應吓，但都OK嘅！」

提到陳茵媺闊別熒幕10年，陳豪透露太太亦有不習慣：「今次佢嘅挑戰好大，10年冇拍劇、好多劇本、好多rundown、好多對白需要出力記，另外同我一齊拍，亦係一個挑戰。」對於太太在劇中剷青的霸氣造型，陳豪就發揮「愛妻號」本色指：「我係欣賞嘅，今次佢角色女扮男裝，對佢係幾好挑戰，令人眼前一亮。」

孔德賢+阮嘉敏努力工作

同場的孔德賢在活動中大開金口唱出三首歌，他指今次是第二次在台上獻唱，心情興奮！正忙於拍攝民初劇《本尊就位》的他，透露為趕劇已超過40小時沒有睡眠，難怪一個月瘦了10公斤。問到孔德賢首次跟「大師兄」陳豪出席活動，可有向對方請教台上心得？他說：「連日拍劇，喺化妝間都有見到對方，望住對方嘅淡定、風度、親民，已經係好好學習對象。」

此外，阮嘉敏離開了《東張西望》後，她近日完成了新劇《靈戲逼人》拍攝，她表示難忘農曆七月時拍攝探靈戲份，幸好一切順利。

▼點擊圖片放大

+3

+2